కర్నూలు నుండి విజయవాడకు రైలు ప్రయాణం సుగమం

కర్నూలు నుండి విజయవాడకు రైలు ప్రయాణం సుగమం :

కర్నూలు ఎంపి సంజీవ్ కుమార్ …

కర్నూలు టౌన్, మార్చి 20, (సీమకిరణం న్యూస్) :

కర్నూలు నుంచి విజయవాడకి నేరుగా వెళ్లేందుకు మార్గం సుగమైందని కర్నూలు పార్లమెంట్ సభ్యులు డాక్టర్ సంజీవ్ కుమార్ అన్నారు. ఈ మేరకు శనివారం ఆయన ప్రకటన విడుదల చేశారు. గతంలో విజయవాడకు వెళ్లాలంటే డోన్, నంద్యాల కి వెళ్లి అక్కడి నుంచి వెళ్లాల్సిన పరిస్థితి ఉండేదన్నారు. దీన్ని దృష్టిలో ఉంచుకుని సంబధిత రైల్వే అధికారులని కలిసి విన్నవించి కర్నూలు నుంచి నేరుగా విజయవాడకు వెల్లేందుకు వీలుండేలా రైలు నడపాలని కోరానని తెలిపారు. తన కోరికపై స్పందించిన రైల్వే అధికారులు కర్నూలు నగరం నుంచి మచిలీపట్నం వయా గుత్తి నంద్యాల గుంటూరు విజయవాడ వెళ్లేలా రైలు షెడ్యూల్ ను రూపొందించారన్నారు. ప్రతి ఆది, బుధ, శుక్రవారాల్లో కర్నూలు నుంచి మచిలీపట్నం కి అందుబాటులో ఉంటుందన్నారు. మళ్ళీ మచిలీపట్నం నుంచి కర్నూలుకు ప్రతి మంగళ, గురు, శనివారాల్లో రైలు అందుబాటులో ఉంటుందన్నారు. కర్నూలు నుండి విజయవాడ కు వెళ్లే కర్నూలు ప్రజలు సద్వినియోగం చేసుకోవాలని ఎంపీ కోరారు.