పర్యావరణ పరిరక్షణ అందరి బాధ్యత
చాగలమర్రి,మార్చి 21, ( సీమకిరణం న్యూస్) :
పర్యావరణ పరిరక్షణ అందరి బాధ్యత అని బర్డ్స్ పామ్‌ మేనేజర్‌ సింధూర తెలిపారు. మండలంలోని ముత్యాలపాడు గ్రామ సమీపంలోని బర్డ్స్ విద్యా సంస్థల ఆధ్వర్యంలో సోమవారం ప్రపంచ అటవి దినోత్సవాన్ని ఘనంగా నిర్వహించి విద్యాసంస్థల ఆవరణలో మొక్కలను నాటారు. ఈ సందర్భంగా విశ్రాంత పారెస్ట్‌ రేంజ్‌ అధికారి దేవదానం మాట్లాడుతూ ప్రతి ఒక్కరూ మొక్కలను నాటి వాటిని సంరక్షించాలన్నారు. చెట్లు లేకుంటే మానవ మనుగడే అసాధ్యమన్నారు. పర్యావరణ,ప్రకృతి సమతుల్యత,నల్లమల అటవీ ప్రాంతం విశిష్టతను,అడవుల సంరక్షణ పై విద్యార్థులకు వివరించారు. కార్యక్రమం లో వృత్తి విద్యా కళాశాల వైస్‌ ప్రిన్సిపాల్‌ కిషోర్,బర్డ్స్ కో ఆర్డినేటర్‌ బాస్కర్‌,అధ్యాపకులు,అధ్యాపకేతర సిబ్బంది,విద్యార్థులు పాల్గొన్నారు.
